चीनको वाणिज्य मन्त्रालयको तथ्यांकअनुसार १२८औँ चीन आयात निर्यात मेला, क्यान्टन फेयरमा करिब २५ हजार स्वदेशी तथा विदेशी कम्पनीले भाग लिनेछन्।
प्रदर्शनी असोज १५ देखि २४ गतेसम्म अनलाइनमा सञ्चालन हुनेछ ।
कोभिड-१९ को प्रकोप पछि, यो वर्ष दोस्रो पटक एक्स्पो अनलाइन भएको हो। पछिल्लो अनलाइन सम्मेलन जुनमा भएको थियो।
वाणिज्य मन्त्रालयले कम्पनीहरूलाई अन्तर्राष्ट्रिय बजार विकास गर्न र उनीहरूको विश्वास अभिवृद्धि गर्न प्रदर्शनी शुल्क मिनाहा गर्ने बताएको छ।
एक्स्पोले अनलाइन प्रदर्शनी, प्रवर्द्धन, व्यापार मिलान र वार्तालापलगायत २४ सै घण्टा सेवाहरू प्रदान गर्नेछ।
सन् १९५७ मा स्थापना भएको क्यान्टन फेयरलाई चीनको वैदेशिक व्यापारको महत्वपूर्ण ब्यारोमिटर मानिन्छ। जुनमा भएको १२७ औं सम्मेलनले लगभग २६,००० स्वदेशी तथा विदेशी कम्पनीहरूलाई आकर्षित गरेको थियो र १८ लाख उत्पादनहरू प्रदर्शन गरेको थियो।